Artista kabu-verdianu Mário Lúcio stá na Purtugal pa um konsertu ku si nóva banda.
Banda ki txôma Os Kriols ta konta ku kabu-verdianu na voz e guitarra, Sofia Adriana na voz, flauta e perkusôn, Rui Ferreira na baixu, tekladu, perkusôn e voz, Telmo Sousa na guitarra, voz e perkusôn, Ricardo Coelho e Tiago Soares tudu na Perkusôn.
Show, markadu pa ess sexta-fêra (4) ê na âmbito di abertura di Terra – Ciclo di Músika e Cinema di Mundo, organizadu num parceria ku Centro Internacional de Artes José de Guimarães (CIAJG) e ki ta kuntisi ti mês d’Outubro.
Organizadôr ta propô um kruzamentu di leitura entri kolesôn di arti di José de Guimarães e ôtus mudalidadi artistiku, sima músika e sinema. Por issu tambê ki na dia siguinti a show di Mário Lúcio ta ser ezibidu filmi “Som & Morabeza”, di Cristèle Alves Meira e Julien Michel. Filmi ê sobri stória di um guia na Djarfôgo e si dia-a-dia ta subi vulkôn ku turista.
Tambê dia 5 Mário Lúcio ta partsipa na 1º kombersu di ciclo “Para um novo Enredo de Vozes”.