Más nóvu disku di artista di djarmaio Adê Costa resêbi 4 di kês 5 strela dispunivel na avaliasôn di rivista britaniku spisializadu na world music – Songlines.
Disku ki txôma “Hello Cabo Verde” ta fazi parti di 8 álbum di kontinenti afrikanu silesionadu.
Rivista britaniku ê spisializadu na kubertura di diferenti géneru désdi músika tradisiunal, popular, kontemporaniu, fusôn e tambê na aprisentasôn di artista di mundu intéru.
Adê kumêsa ta dá ses pruméru passu na mundu músika na 2017 ku lansamentu di disku “Branku na Pretu”, ki resêbi kritika txeu pusitivu di revista musical Nigel Williamson.
Na dezembro di 2021, álbum entra na lista di kês 40 midjôr lansamentu di World Music pa Transglobal World Music Chart.