Fedrasôn Kabu-verdiana di Futiból ta realiza di 13 a 18 des mês 1º kursu di trenadôr di guarda-rêdis.
Kursu ta dadu na Són Visênti e na Praia e êl ê pa trenadôr di guarda-rêdis di ikipas federadu.
Na Són Visênti kursu ta bai di 13 ti 15 dess mês e ta partsipa trenadôr di regiôn disportivu di Són Visênti, Santantôn Norti e Sul, Saniklau e Sal.
E formasôn na Praia, ki ta bai di 16 ti dia 18 dess mês, ê pa trenadôr di rigiôn disportivu di Boa Vista, Maio, Santiago Norte e Sul, Fogo e Brava.
Kursu ta dadu pa tékniku purtuguês Ricardo Leite, mestrandu na treinu disportivu, spisializadu na futiból, licensiadu na disportu, spisialista na treinamentu di guarda-rêdis.
Objetivu di Fedrasôn Kabu-verdiana di Futiból ku inisiativa ê tem bazi pa kria um departamentu di guarda-rêdis di fedrasôn.