Silesôn di Kabu Vêrdi konkista sete midalha na Kampiunatu Afrikanu di Boxe di Zona II, ki ta termina oji na Freetown – na Serra Leoa.
Di kês midalha konkistadu pa grupu komandadu pa silesionadôr nasiunal, Adilson Varela, quatu ê di ôru, um di prata e dôs di Bronze.
Midalha di ôru konkistadu pa pugilista Lenick Fernandes, Elisandro Silva, Admilson Carvalho e Sifonelo Borges, na katiguria di 51 kg, 57 kg, 63.5Kg e 86 Kg, respetivamenti.
Atleta Márcio Monteiro konkista prata na katiguria di 60 kg, Davilson Morais (categoria +92kg) e Hernani Gomes (67kg) konkista bronze.