Silesôn Kabu-verdiana di Andebol Sénior Maskulinu tá partsipa di oji ti dia 17 dess mês, na Garci Nations Cup, na Purtugal.
Djogus ta sirvi di priparasôn pa CAN’2022, previstu pa kuntisi na a mês di junhu, na Marrocos.
Garci Nations Cup ta konta ku partsipasôn di ikipas sub-20 di Países Baixos, Hungria e Purtugal ki sa ta pripara pa kampiunatu d’Oropa sub-20.
Di akordu ku presidênti di Fedrasôn Kabu-verdiana di Andebol ikipa kabu-verdiana stêvi konsentradu, na Purtugal desdi dia 10 dess mês ta trêna.
Pa djogus silesionadôr nasiunal, sérvio Ljubomir Obradovic, ta konta ku 17 atleta. Marcos Samuel, lateral esquerdu di Madrugas di Santantôn ê único residenti na lista di konvokadus.
Kês konvokadu ê:
Guarda-redis: Lenine Tavares (UFC Torrense – Purtugal), Edmilson Gonçalves (1º de Agosto- Angola).
E na kampu ta stá: Gilson Correia (Luxemburgu), Gil Baiano (Fuas Roupinho – Purtugal), Paulo Moreno (Benfica – Purtugal), Felisberto Landim (Boa Hora – Purtugal), Marcos Samuel (Madrugas – Kabu Vêrdi), Edmilson Lopes (Póvoa – Purtugal), Élio Pina (Fuas Roupinho – Purtugal), Délcio Pina (Madeira SAD – Purtugal), Nelson Pina (Belenenses – Purtugal), Leandro Semedo (Ademar Léon – Spanha), Edmilson Araújo (Sporting – Purtugal), Gualther Furtado (Avanca – Purtugal) e Bruno Landim (Horta – Purtugal).