Na kampiunatu Regiunal di Santiagu Sul Sporting gánha Travadores ónti pa 2-1 e ê baradja Travadores sês konta ta falta 2 jornada pa fim di kumpitisôn. Sporting fika ku 1 pontu a ménus ki atual lider di prova, Travadores.
Djogus dess fim di simana fika assim: Celtic 5 – Eugenio Lima 0, Boavista 4 – Bairro 0, Benfica 3 – Fiorentina 0, Unidos do Norte 0 – Akadémica 1, Disportivu 4 – Vitória 1 e Sporting 2 – Travadores 1.
E tabela fika rumadu assim: Travadores 46 pontu siguidu Sporting e Académica (45 pontu kada kenha), Celtic e Boavista (42 pontu), Desportivo (34 pontu), Vitória, Bairro e Benfica (17), Eugénio Lima (13), Unidos do Norte (10 pontu) e Fiorentina (08 pontu).
Na kês ôtu kampiunatu regiunal di país djá stá 7 ikipa ku passaporti karimbadu pa kampiunatu nasiunal: Akadémika di Santantôn Sul, Rosariensi di Santantôn Norti, Botafogo di Djarfogo, Varandinha di Santiagu Norti, Ultramarina di Saniklau, Akadémika di Boa Vista e Mindelensi di Són Visênti.
Stá falta apura kês kampiôn regiunal di Santiagu Sul, Brava, Maio e Sal.