Tudu prontu pa más um idisôn di Março – Mês di tiatru.
Na Són Visênti, atividadi ta ranka dia 3 di Março ku izibisôn di peça Romeu ma Julieta – um tragédia kriôlu.
Ti fim di Março stá programadu izibisôn di peça di munti grupu di Són Visênti sima: Caixa Preta, Somá Cambá, Sentru Cultural Purtuguês, Kompanhia 50 pessoa e Ofisina di teatro Jovem Ganga.
Além di tiatru di rua, stá bai aprisentadu peça Bulimundu, na skolas di ilha e dia 27 di março ta dadu Prémiu di Méritu Tiatral.
Na Capital
Mês di tiatru ta silebradu na Praia ku aprisentasôn di peça Clownterrâneo di companhia di tiatru Fladu Fla. Izibisôn ta kuntisi dia 1 e 2 di Março na Palásiu Kulrura Ildo Lobo.
Trabadju ê kompostu pa um konjunti di 5 sketch teatral baziadu na téknika di palhaço, inspiradu na realidade di Kabu Vêrdi.
Montagem di spetákulu konta ku orientasôn tékniku di formadora e atriz Elizabete Gonçalves, ki tem munti anu di spiriênsia na tiatru.