Más di 30 spusitôr lukal e di ôtus munisipiu di Santiagu ta partsipa di oji ti dumingu um fêra di Agrinegósiu na sidadi di Igreja, na São Salvador do Mundo.
Atividadi ta kuntisi na âmbito di fistividadi di santo padroêru, São Salvador do Mundo, ki ta silebradu 1 di Maio.
Duranti ess três dia feirante ta bendi e expô produtu agro-alimentar, artesanal, gastronómiku, cultural e pekuáriu.
Inda stá previstu animasôn cultural ku atuasôn di batukadêra di diferente lukalidadi di Santiago.
E na Fistival di Nhu Sior do Mundo 2022 animasôn ta ser garantidu pa Grace Évora, Titio & Lito Freire, Fidjus de Belo Freire, DSD, Ferro Gaita, Zé Spanhol, Gama, ZShow, Kádio Tavares e MC Tranka.