Ta fazi oji 21 anu ki Somada torna sidadi e um di kes distaki di kumimorason é festival di músika markadu pa manhan.
Pa festa dja sta konfimadu atuason di Garry, Tony Fika, Trakinuz, Gama, Buguin Martins, Zé Spanhol, Netos de Djoto Lop, Bedja KP e Lito Freire.
Festival ta kuntisi dipos di três paradu pamodi pandemia. Ideia di organizason é djuda artista, prumutor di iventu, e inda dinamiza ikunumia di Santa Catarina.
Iventu ta silebra 13 di Maio, Dia di Somada, ki es anu ta kompleta 21 anu ke torna sidadi.