Skritôr kabu-verdianu Oswaldo Osório ê kombidadu di 2º idisôn di prugrama Autôr di Mês di Livraria E-Neves na Txada Santantóni.
Alguns obra di autôr di mês ta stá na promosôn na livraria duranti ês mês.
Poeta ki nánsi na Són Visênti na 1937 djá skrêbi livru sima: Cântico dos Habitantes, Caboverdeamadamente construção meu amor, Os loucos poemas de amor e outras estações inacabadas, As ilhas do meio do mundo e emergência da poesia em Amílcar Cabral.
Skritôr di 80 anu tambê tem prontu um nóvu livru di poesia ki txôma Tiresias ki ta sai na mês di Julho.