11º idison di Cabo Verde Music Awards sta markadu pa dia 01 di Otubru, Dia Internasiunal di Músika.
Ku lema Silebra nôs Músika, iventu ta aseita trabadju físiku o digital lansadu entri 01 di janeru e 31 di dizembru.
CVMA 2022 ta dá premiu na 16 katiguria avaliadu pa um júri formadu pa 11 prufissiunal di diferente área.
Num prumeru fazi júri ta indika 6 kandidatu nomiadu pa katiguria, xseptu na katiguria midjor vidiuklip e midjor produtor musikal.
Kes kandidatu nomiadu ta passa pa um votason online, undi públiku ta skodji kes três finalista na kada katiguria.
Júri ta skodji kes vensidor, menus na katiguria músika pupular d’anu e artista rivelason ki ta ser disididu pa votason pupular.
Katiguria midjor vidioklip ta ser avaliadu pa um konjuntu di personakidadi spesialziadu na setor audiovisual.