Compal sta kumimora 70 anu di si fundason ku txeu atividadi pa studanti e família di Praia. Iventu markadu pa manhan na Parki 5 di Julhu ta konta ku parseria di FICASE.
Sta speradu serka di mil e 300 alunu di 1º ti 8º anu di skularidadi, di mas di 12 skola di Praia, pais e inkarregadu di idukason, professor, kulaborador di FICASE, riprisentanti di COMPAL, di Dilegason di Ministériu di Idukason di Praia e otus konbidadu e parseru.
Entri kes atividadi kultural, distaki ta bai pa atuason di artista Tikay, Manu Reis, Enigma e Zuleica Carvalho.
Inda tem dimonstrason di disportu radikal, djogu tradisiunal, idukativu, didátiku sobri alimentason saudável, músika, tiatru, disfili e dansa ku partisipason di kriansa di diferenti skôla e sis família.
Silebrason di 70 anu sta kuntisi só na Kabu Verdi, undi impresa sta na merkadu mas di 40 anu. Sináriu di kumimorason foi konstruidu na Rua d’Arti, Terra Branca, p’artista Tutu Sousa.