Ónti nôti Akademia di Arti e Ciência Cinematográfiku premia kês midjôr di anu na 90º idisôn di óscar. Sirimónia markadu pa forti diskursu sobri diversidade, igualdadi e inklusôn.
Grandi vensidôr di Óscar dêss ánu foi filmi A forma da Àgua – ki tambê konkista prémiu na katiguria di Midjêr Diresôn, Midjôr Design di Produsôn e Midjôr Trilha Sonora Original.
Dunkirk tambê foi distaki – ê termina nôti ku 3 estatuêta, na ária tékniku: Midjôr Idisôn di Som, Midjôr Mixagem di Som e Midjôr Montagem.
Prémiu di Midjôr Atriz bai pa Frances McDormand pa si papel na filmi Três Anuncios para um Crime. Mumentu kê toma prémiu foi markanti: Ê pidi tudu mudjêr indikadu pa Óscar pa labanta pa mostra ma tudu ês tem stória pa konta.
Gary Oldman gánha Óscar di Midjôr Atôr, na filmi O Destino de uma Nação e Sam Rockwell konkista Atôr Coadjuvante – rekunhesimentu pa si papel na filmi Três Anúncios para um Crime. E kenha ki gánha Midjôr Atriz Coadjuvante foi Allison Janney na produsôn Eu, Tonya.
Prémiu di Midjôr Roteiro Original bai pa filmi Corra. Midjôr Rotêru adaptadu bai pa Me Chame pelo seu Nome e Viva – A vida é uma Festa gánha na katiguria di Midjôr animasôn.
Konfira kês midjôr mumentu di sirimónia