Mário Lúcio, koru e Orquestra di Gulbenkian teni konsertu markadu pa dia 08 e 09 des mês, na Gulbenkian Música, ku direson di maestru Rui Pinhero.
Spetáklu é sugundu kantor kabu-verdianu, um union di stória, kultura, povu e nason, imbaladu pa músika. Mário Lúcio ta riforsa inda ma konsertu é pa partilha imuson, deseju di harmunia, interkâmbiu e abrasu.
Repertóriu di konsertu é kompostu pa temas di Mário Lúcio e di referensia ki el me selesiona. Arranju é di risponsabilidadi di guitarrista e kompusitora franco-boliviana Élodie Bouny.