Halterofilista kabu-verdianu Jeisson Carvalho ta streia oji na Kampionatu Mundial di labanta pesu, Powerlifting 2022, ki ta kuntisi na Sun City, Áfrika di Sul, ti dia 12 des mês.
Jeisson Patrick Carvalho, ke kampion nasiunal di mudalidadi sta kumpiti pa prumeru bez na kampionatu internasiunal, ki dja sta na si 50 idison organizadu pa International Powerlifting Federation.
Atleta di rigion disportivu di Santiago Norte sta kumpiti na 120 kilu, na prova ki ta konta ku 18 partisipanti.
Kampionatu Mundial di Powerlifting 2022 sta risebi 249 konkurrenti, 134 labantador maskulinu e 115 fimininu, na oitu katiguria di kada géneru.