Judoka kabu-verdiana Carolina Francês, konkista midalha di bronze, na katiguria di 63 kilu na Lima Panamerican Open’2022, ki kuntisi ess fim di simana na Lima – Perú.
Pa konkista midalha, kriola gánha atleta merkana Sara Golden.
Kumpitisôn reuni 132 kumpitidôr di 15 país e três kontinenti.
Na mês di Maio, Carolina Francês, ki ta vivi na Purtugal, fika na 7º lugar di Kampiunatu Afrikanu di Judo, ki kuntisi na Egipto.
Próximo Sábadu, dia 24 dês mês, atleta ta partsipa na Bogota Panamerican Open 2022 e dia 06 d’ Outubru ê na Tashkent World Championships Senior 2002, na Uzbequistão.