Artista di Dja d’Sal Dynamo foi um di kês artista ki más prémiu konkista na nôti di gala di prémius Cabo Verde Music Awards. Pa kaza ê lêba prémiu di Músika Popular d’Anu ku Primavera, músika tambê konkista prémiu di Midjôr Kizomba. “Primavera” lêba tambê Prémiu di midjôr Produtor, ki bai pa Claudio Ramos. E na Midjôr Kolaborasôn, Dynamo partilha prémiu ku William Araújo e Djodje ku músika Suleban.
Ôtu artista ki distaka na nôti foi June Freedom. Ê konkista prémiu di Midjôr Intérprete Maskulinu e Midjôr Ritmu Internasiunal tudu ku tema Andreia.
Kês ôtu prémiu fika divididu assim:
Midjôr kjoladêra: Bo Mister – Diva Barros; Midjôr Afrobeat/Afrohouse: Na Mei – YuranBeatz; Artista Rivelasôn: Edwin Vibez; Midjôr Morna: Sabu – Nancy Vieira; Midjor Funaná: Es Ka Ta Reia – Mário Marta; Midjôr Músika Tradisiunal: Voei de Mim – Dino D’ Santiago; Midjôr Hip Hop: Strada – Rapaz 100 Juiz feat Fattú Djakité; Midjôr Intérprete Feminina: Nenny – Tequila; Midjôr Álbum d’ Anu: Batchart – Resiliente; Midjôr Beat Maker: Platini Beatz – Ku bo te fim; Midjor Produtor: Cláudio Ramos – Primavera e Midjôr Videoclipe: Dieg – Mununo.