Kabu-verdianu esgota um di kês palku más prestigiadu di Purtugal – Coliseu dos Recreios, num show êss fim di simana pa silêbra si 10 anu di karrêra.
Além di músikas ki públiku dja ta konshi, Dynamo aprisenta alguns inéditu ki sta bem fazi parti di si 4º álbum, já na fazi di produsôn.
Kantôr e produtor konta ku kombidadus sima: Djodje, Grace Évora, Loony Johnson, William Araújo, Breyth, Josslyn, MC Acondize, MC Gasolina e Mika Mendes.
Êss anu Dynamo foi um di kês artista ki más prémiu konkista na idisôn dêss anu di CVMA.
Artista di Dja d’Sal lêba pa kaza prémiu di Músika Popular d’Anu ku Primavera, músika tambê konkista prémiu di Midjôr Kizomba. “Primavera” lêba tambê Prémiu di midjôr Produtor, ki bai pa Claudio Ramos. E na Midjôr Kolaborasôn, Dynamo partilha prémiu ku William Araújo e Djodje ku músika Suleban.