Mudélu kabu-verdiana Érica Lima, di 17 anu d’idadi, pisa pa pruméru bez passarela di Moda Lisboa e di Purtugal Fashion Week.
Kês li foi kês pruméru grandi spiriênsia di jovem di Santantôn komu mudelu fora di Kabu Verdi.
Érica ki ê di lukalidadi di Caibros na Santantôn ta vivi na Praia djá tem 4 anu nundi ê trabadja ku agênsia di moda Mfashion na Praia.
Dipôs di um kasting fêtu pa agênsia Da Banda Model Management ê bai Purtugal nundi ê sta desdi mês di Setembru.
Dipôs di kês disfili na Purtugal, Erica Lima ta volta pa Kabu Verdi pa termina si 12º anu di skolaridadi.
Kabu-verdiana ê apaixonada pa mundu di moda, mas ô mesmu tempo ê krê fazi kursu d’invistigasôn kriminal.