Parki teknológiku dêbi fika prontu na pruméru trimestri di 2023. trata dum investimentu avaliadu na serka di 35 milhon d´euro.
Sugundu presidenti di konsedju d´admistrason di parki teknológiku di Kabu verdi Carlos Monteiro, demora ê pamodi krise provokadu pa pandemia e pa guerra na Ukránia, prinsipalmenti pamodi alguns matrial pa obra ta bem ê di Ukrania.
Ku es infrastrutura ta tem 5 edifísiu, ku polo na Praia y na Mindelo, ku sentru di negósiu, di inkubason, di sertifikason y formason, edifísiu administrativu, auditóriu síviku.
També ta kriadu un parki di investigason, siênsia y teknologia, ku objetivu di privilegia inovason, kria empresas ku inovason, pa ki setor di ekonomia digital kria na Kabu Verdi.