Na Stádiu da Várzia, temporada ta ranka ku djogu entri Águias di Kapital – Travadores e ikipa di Sidadi Velha – Rubêra Grandi, ki na épuka passadu subi pa 1º divisôn.
Tambê pa oji tem Boavista di Praia – Celtic di Txadinha. Manhãn ta djuga: Eugénio Lima – Bairro e Académica di Praia inda ka sabi kenha kê si adversáriu pamódi Varanda ki subi pa 1º liga stá kêxa falta di dinhéru pa partsipa – góssi Assosiasôn Regiunal stá djobi si Tira Chapéu ta substitui ikipa di Txadinha Baxu.
E Dumingu djogus ê entri: Sporting – Benfica e Disportivu – Txadênsi.
Ku nóvu komandu
Antigu internasiunal kabu-verdianu José Barros Silva, más konshedu pa Zé Piguita, ê nóvu trênadôr di Txadensi – ikipa di Txada Santantóni ki ta djuga na 1º divisôn di Santiagu Sul.
Zé Piguita fá mê krê trabadja pa manti ikipa na 1º divisôn e proporsiona um bom futiból.
Txadênsi ta streia na kampiunatu Regiunal di Santiagu Sul ês dumingu kontra Dispurtivu di Praia.