Samba Jó, Vindos do Oriente, Bloco Afro Abel Djassi e Vindos d’Africa ê kes 4 grupu oficial ki ta disfila oji na capital e animasôn ta fazêdu pa dôs grupu: Bididó e Ariah do Norte
Na disfili dêss tardi na kapital grupu Vindos d’Africa stá bem omenagia vítimas di covid-19 ku enredu Esplendor de Arco Íris ta dismistifika kada um di kês 7 kor di arku luminosu.
Grupu di Bairro Craveiro Lopes, ku quasi 40 anu di stória ta leba pa vinida más di 500 figuranti, na 7 ala e um karru alegórico.
Bloco Afro Abel Djassi, ki ess anu ta silebra 20 anu di stória t’aprisenta tema herança africana na stória di Kabu Verdi. Foku ê exalta kultura kabu-verdiana ku ritmu e dansa di nos país.
Grupu vindos do mar, di Txada Grandi Frenti t’omenagia Mar ku más di 300 figuranti, 7 ala e 1 karru alegoriku.
Grupo Samba Jó ta txiga ku enredu Santiago Anel Azul Outrora E Suas Maravilhas, pa silêbra Decénio Jubilar di 500 anu di Diocesi di Santiago. Festa ta fazedu ku 280 figuranti na 8 ala.