Grupus di mandinga di Són Visênti djá stá priparadu pa interru di carnaval ki ta kuntisi dumingu li (26).
Atividade ki ta assinala fim di festa di rei momu ta kustuma djunta milhares di pessoas na ruas d’ Mindelo.
Grupos ta fazi um trajetu ki ta passa pa Fonte Inês – Cruz João Évora – Madeiralzinho – Chã de Alecrim – Avenida Marginal e ê ta finda na Praia d’Catchor. Lá ês ta intêrra dôs kaxôn pa simboliza interru di carnaval.
Tambê êss anu mandingas tem programadu um missa di 7 dia, programadu pa 5 di Março na sês staleru.
Vensedôr di carnaval na Són Visênti
Grupo Monte Sossego, konkista bi-kampiôn ku enredu “O povo das Ilhas ainda quer um poema diferente para o povo das ilhas”. Inda grupu di terá d’indiu lêba prémiu di Rainha, Rei, Rainha di bateria, 1ª Dama, Midjor andor e Midjor músika “Djon Djon ca ta verga”, di Constantino Cardoso.
Prémiu di Midjor Bateria foi divididu entri Monte Sossego e Cruzeiros do Norte, ki fika na 2º lugar. Tambê grupu di Cruz João Évora konkista prémio di 2ª dama e porta-bandêra.
E Grupu di Flores do Mindelo, ki fika na tersêru lugar, konkista prémiu di midjor mestri-sala. Na quartu lugar fika Estrela do Mar.
Vensedôr di carnaval na Praia
Vensedôr dessa anu na kapital foi Grupu Samba Jó, ki disfila ku enredu “Santiago Anel azul outrora e suas maravilhas”, ku objetivu di partsipa na silebrasôn di Decénio Jubileu di 500 anu di Diocese di Santiago. Grupo, di Palmarejo, lêba pa vinida serka di 280 figuranti distribuidu na 8 ala. Inda grupu konkista prémiu di midjor musica, bateria e porta bendêra.
Na 2º lugar fika Vindos d’Afrika ki tambê konkista prémiu di Midjor Rainha e na 3º lugar fika Vindos do Mar ki tambê leba prémiu di Midjor Rainha di Bateria e Midjor Mestri Sala.
E Bloco Afro Abel Djassi gánha prémio di Midjor carro Alegórico.