Filmi kabu-verdianu Omi Nobu stá kumpiti na Fistival Afrikanu Fespaco, na katiguria Dukumentáriu Longa Metragem, ki stá kuntisi na Uagadugu, na Burkina Faso.
Produzidu pa Kori Kaxoru Films e realizadu por Carlos Yuri Ceuninck, dukumentáriu foi finalizadu na mês di janeru e keli ê si streia num fistival internasiunal.
Longa metragem ta konta stória di Quirino da Cruz – últimu habitanti, di Rubêra Funda na Son Nikulau.
Kel aldeia ta fika na fundu dum vale rodeadu di montanha e um mar revoltu, nundi ta kuntisi txeu kuza trágiku ti ki tudu alguém sai di lá e sô fika senhor Quirino, ki ta vivi di peska e agrikultura.