Silesôn kabu-verdiana di Futiból Femininu konkista pa pruméru bez um lugar na Ranking di FIFA di silesôn femininu.
Ikipa nasiunal podu na lista pamodi FIFA rekunhêsi, komu oficial, Turneiu UFOA A, ki kuntisi na Sal.
Pa silesionadôra nasiunal, Silvéria Nédio, rekunhesimentu ê um vitória di Kabu Vêrdi, di tudu mudjêr kabu-verdiana e tambê ê um vitória di Fedrasôn Kabu-verdiana di Futiból ki acredita na dzinvolvimentu di futiból femininu.
Na ranking mundial, nôs silesôn stá na 20º lugar na kontinenti afrikanu e na pusisôn 133 na lista mundial, ku 1088.27 pontu.
Na grupu di PALOP – País Afrikanu di Língua Ofisial Purtuguês, Kabu Vêrdi ê 1º klassifikadu e na Zona UFOA A nu sta na 4º lugar.
Ranking Femininu Mundial di FIFA, uzadu désdi 2003 tem 188 silesôn.