Ónti Silesôn Kabu-verdiana di Futiból maskulinu gánha silesôn di Eswatini, pa 1 – 0 na partida di 4ª jornada di qualifikasôn pa Campiunatu Afrikanu di Nações (CAN), ki kuntisi onti na Áfrika di Sul.
Gôlu di Kabu Vêrdi markadu pa Ryan Mendes na 11º minutu di sugundu tempu e guarda-redis Vozinha foi ómi di djogu ku difeza di penalti.
Ku vitória Kabu Verdi fika ku 7 pontu e ê stá mesti só mas um pontinhu pa klassifika. Tubarões Azuis sta na 2º lugar di grupu B ku 7 pontu, na si frenti sta Burkina Faso ku 9 pontu. Eswatini sta ku 2 pontu e Togo tem um pontu.
Kabu Verdi ta torna entra kampu na mês di Junhu, quandu Tubarões Azuis resêbi Burkina Faso.
Di akordu ku regulamentu ta qualifika pa fazi final di CAN, previstu pa kuntisi na mês di janeru di 2024, kês dôs pruméru ikipa klassifikadu di kada grupu.
Fasi final di CAN ta ser disputadu na Costa do Marfim e ê debi konta ku partsipasôn di 24 silesôn afrikanu.