Kantôr e kompusitôr kabu-verdianu Mário Lúcio galardoadu ku Prix de La Musique di França,na katiguria Criação, ku álbum Migrants.
Keli ê sugundu bez ki um kabu-verdianu stá konkista prémiu di kêl kê konsidradu Grammy Francês. Kêl otu konkista nasiunal foi di Cesária Évora na 1995.
Prémiu ê dadu anualmenti pa artista ô obra ki ta distaka e impakta sena musikal mundial.
Galardôn ê dadu pa Académie Charles-Cros, kriadu na 1947 pa um grupu di kritiku e spisialista na gravasôn. Atualmenti organizasôn ê presididu pa renomadu maestru Alain Fantapié.
Akademia ta trabadja ku kumissôn spisializadu sima Música Clássica, Música Contemporânea, World Music, Jazz e Blues, Canção, Público Jovem, Letra Gravadu e Dukumentu sonoru.