Épuka futibolistika 2022-2023, di Santiago Sul, ta fitxadu oji (12) ku disputa di final di Taça di Praia entri Akadémika e Travadores.
Dogu sta markadu pa 4 óra tardi na Estadio da Várzea. Travadores st abai tenta dobradinha dipôs di konkista Kampiunatu Regiunal di Santiago Sul e Akadémika ki finda prova na 3º lugar stá djobi tambê um taça pa dexa si marka ness épuka.
Travadores txiga final dipôs di gánha Bairro na meias finais e Akadémika ilimina Sporting.
Vensidôr di Taça di Praia stá bai riprisenta regiôn Sul di Santiago na Taça di Kabu Vêrdi.