Kantôr brasiléru Allan Massay ki ta kustuma fazi cover di musika kabu-verdiana djá mostra si vontadi e dispunibilidadi pa trabadja ku artistas di Kabu Verdi.
Kantôr di 32 anu, ki tem 17 anu di karrera, flá mê kumêsa tem kontaktu ku músika di ôtus país di língua purtuguês na 2014, quandu ê staba ta mora na Mosambique.
Duranti ess prucessu brasiléru flá mê konxi txeu musika di qualidadi ki ka ta txiga Brasil.