Grupu Bulimundu sa ta silebra si 45 anu di karrera ku munti show pa Oropa.
Ess fim di simana grupu ta atua na 7ª idisôn di Weekend Capverdien – Nos Cultura, Nos Riqueza, na Luxemburgo. Pamodi pandemia eventu, konsidradu maior di cultura kabu-verdiana nakel país, stevi paradu pa 4 anu.
Eventu ki ta kuntisi di oji ti dumingu ta konta inda ku atuasôn di kabu-verdianus Luís Monteiro, Carlos Matos, Anísio Rodrigues, Kino Cabral, Jay Moreira, Dudu Araújo, Jenifer Solidade e Dina Medina.
Atividadi ta ranka oji ku konfrênsia “Invisti ku inteligência pa konstrui um futuru djuntu”. E kenha ki ta subi palju oji ê: Dudu Araújo, Jenifer Solidade, Carlos Matos, Batucadeiras Amizade e Inass Fortes.
Manhãn tem disfili di Kolá San Jon e di carnaval ku grupu Montsu Lux, atuasôn di DeLux Band, Kino Cabral, Tha Real Vibe, Dina Medina, Bulimundo, Luís Monteiro e Dj Anibal.
Dumingu ta subi palku Steffy Lima, Badman Milly, Anísio Rodrigues e Jay Moreira.