Ikipa di Seven Stars di Praia labanta onti taça di kampion nasiunal di futiból femininu 2022/2023.
Ikipa disputa final ku Llana di Sal ki sa ta difendeba títulu konkistadu anu passadu.
Mininas di Seven gánha djogu, ki bai pa prolongamentu, pa 2 – 0, dipos di impati 0 – 0 na tempu regulamentar.Golus di Seven markadu tudu pa Dara Centeio mas konshedu pa Kamoka.
Na fim di partida tambê dadu prémius individual nundi Kamoka, di Seven, ilegedu midjor djugadora.
Jacinta tambê di Seven foi guarda-rêdis menus batidu, Maísa di Llana foi midjor markadora ku 6 golu e Aisha di Mindelensi foi midjor djugadora di prova.
Walter Lima di Seven Stars konsidradu midjor trenador e ikipa di Llana inda konkista Troféu Fair Play.
Prémiu munetáriu pa Seven, komu vensidor di prova, foi di 500 kontu e Llana komu 2º lugar gánha 250 kontu.