Kabu Vêrdi stá riprisentadu pa 12 atleta di Emicela Team na 12º idisôn di Trail di Serra d’Árga, ki ta kuntisi di oji ti Dumingu na Purtugal.
Kês atleta nasiunal ta riprisenta país na provas di: 100, 45, 27 e 17 kilometru.
País sta riprisentadu pa: Orlando Tavares más konshedu pa Águia, Jailson Oliveira, António Veiga, Walter Araújo, Edena Lima, Eliseu Morais, Milly Brito, Wilson Cabral, Quelton Lomba, Edy Moreno, Liliana Medina e Elérise Mendes.
Kês 12 atleta nasiunal ê di rigiôn disportivu di Santiago, Fogo, Brava, Són Visênti, Santantôn e São Nikulau.
Atletas ki ta streia oji
Atletas Orlando Tavares e Jailson Oliveira ta streia oji na ultramaratona di 100 kilometru.
Manhãn ta kumêsa Ultra Trail na 45 kilómetru. Na prova konsidradu rainha Kabu Vêrdi ta sta riprisentadu pa António Veiga e Walter Araújo.
Dumingu Edena Lima, Eliseu Morais, Milly Brito e Wilson Cabral, ta kóri na trail longo (27 kilometru) e Quelton Lomba, Edy Moreno, Liliana Medina e Elérise Mendes ta kumpiti na trail curto (17 kilómetru).