Di akordui ku novu tabela di presu máximu fixadu pa Agênsia Reguladora Multisetorial di Ikunumia (ARME), combustível stá mas karu na país. Présus subi um média di 5,82%.
Gasóliu normal subi di 146 skudu e 30 sentavu pa 160 skudu, petróliu passa pa 160 skudu e 50 sentavu, gasóliu pa eletrisidadi stá pa 132 skudu e 60 sentavu, gasóliu marinha stá pa 114 skudu e 80 sentavu, Fuel 380, passa pa 95 skudu e 80 sentavu e Fuel 180 stá pa 100skudu e 20 sentavu.
Gás tambê sta más karu: Garrafa di 3kg stá 429 skudu, garrafa di 6 kilu stá pa 904 skudu, garrafa di 12,5 kg stá pa 1.883 skusu e garrafa di 55 kg stá pa 8.285 skudu.
Kês principal mutivi di omentu di presu, sugundu ARME, ê korti di produsôn di petróliu pa Arábia Saudita e Rússia, ki ta bai ti fim d’anu e ki ê responsável pa um défice na oferta global di 1,3 milhôn di barril pa dia na últimu trimestre e tambê Merka diminui si nível di produsôn di petróliu xisto.
Kês novu presu li ta bai li tim dess mês di outubro.