Futibolista argentinu Lionel Messi konkista oitavu Bola di Ôru di si karrêra.
Gala di premiasôn kuntisi onti na Théâtre du Châtelet, na Paris – França, organizadu pa revista francês France Football. Prémiu ê referênti a temporada 2022/2023.
Kampiôn di mundu pa Argentina, Messi ki góssi sta djuga pa Inter Miami, na Merka, staba ta konkori ku Erling Haaland, di Manchester City e Kylian Mbappé, di Paris Saint-Germain.
Quandu djugadôr, di 36 anu, resêbi prémiu ê agradêsi tudu kênha ki vôta na êl e tudu sês kumpanhéru, djugadôr di silesôn di Argentina e trenadôr. Ê flá ma prémiu ê pa tudu ikipa di Argentina.