Pueta kabu-verdianu José Luiz Tavares t’aprisenta oji (16) na Praia si más novu livru ki txôma “Perder o pio a emendar a morte”.
Aprisentasôn ta fazedu pa pueta e krítiku purtuguês António Cabrita – 1º krítiku ki skrebi sobri José Luiz Tavares, na si streia na 2003, ku livru “Paraíso apagado por um trovão”.
Di akordu ku krítika spisializadu, ku “Perder o pio a emendar a morte”, José Luiz Tavares ta navêga num intimidadi partilhadu ku morti.
José Luiz Tavares ki ê di Tarrafal di Santiago studa literatura e filosofia na Purtugal, nundi ê ta vivi.
Désdi si streia na 2003 djê publika 19 livru e ê gánha munti prémiu literáriu inclusive Prémiu Ulysses na 2022 pa livru ki ta lansadu oji na Praia.