Ês tardi Silesôn nasiunal di futiból gánha silesôn di Eswatini pa 2 – 0. Djogu era di segunda jornada di grupu D di Qalifikasôn pa Mundial 2026.
Pruméru golu di nos ikipa kriolu markadu pa Ryan Mendes na 15 minutu di djogu e Jamiro Monteiro marka 2º golu di partida na minutu 37.
Keli ê 1º vitória di nôs ikipa na qualifikasôn pa Mundial di Futiból 2026, dipôs di impati 0 – 0 ku Angola.
Fasi final di Mundial 2026 ta ser disputadu di 8 di junhu ti 19 di julhu di 2026 na Canada, Merka e México.
Prova ta konta ku partsipasôn di 48 silesôn – 9 dêss ê li di nôs kontinenti.