Ta ranka oji na kapital 12ª idisôn di Noite Branka, organizadu pa Kâmara di Praia, ku lema “Haja Luz e venha a paz” pa rekorda nôs grandi artrista Sara Tavares.
Spetákulu musikal ta kuntisi na seis palku: Pracinha Luís de Camões, Rua Ténis, Praça Alexandre Albuquerque, Rua Pedonal, Avenida Cidade Lisboa e Ponta Belém.
Ta atua: Tubarões, Cremilda Medina, Gardénia e Princezito, Mucci, C James, MC Prego Prego e Zubikilla Spenser. Inda stá previstu sessôn di Stand-up Comedy e Fêra di Artesanato.
Tambê ta atua Banda Municipal e tem demostrasôn ku grupus di dança Raiz di Polon e Mon na Roda, artista circensi, estátua bibu, pintura facial, artes plásticas pa criança, grupu enigma, demonstrasôn di karaté, kapoêra e sessôn di fotu.
Programasôn di natal di edilidade praiênsi ki tambê ta invôlvi festa di virada d’anu stá orsadu na 20 mil kontu.