Silesôn Kabu-verdiana di Andebol Sénior Maskulinu stá pripara, manênti na Purtugal, pa CAN 2024, ki ta ser disputadu na Egipto.
Na âmbito di priparasôn, Silesôn tem programadu dôs djogu-trênu, ku silesôn di Purtugal na Rio Maior.
Stágiu, komandadu pa tékniku Jorge Rito, ta bai ti manhãn, quando grupu ta fazi um paragi pa festas di fim di anu e trenu ta retomadu dia 3 di janeru pa bai ti dia 16 di mesmu mês.
Stágiu di priparasôn pa 26ª idisôn di CAN ta konta ku partsipasôn di 20 pré-silesionadu di undi ta bai sai kês 17 ki sta bai riprisenta nôs país na Cairo di 17 ti dia 27 di janeru.
Ikipa kriola sta bai disputa prova na qualidadi di vice-kampiã d’África e ku objetivu di konsigui qualifika pa Jogos Olimpikus di Paris 2024. Nos rapaz stá na grupu A djuntu ku Republika Demikrátika di Congo, Zâmbia e Rwanda.