Silesôn kabu-verdiana di andebol fazi onti um djogu amigavel ku ikipa di Angola, na Purtugal, nundi Angola gánha pa 28 – 26.
Djogu amigável foi di priparasôn, di tudu dôs silesôn, pa 26ª idisôn di CAN, markadu pa kuntisi di 17 ti dia 27 dess mês na Egipto.
Na djogu di ónti ikipa téknika kabu-verdiana pruvêta pa utiliza diferenti djugadôr pa analiza sês putensial.
Pa sábadu silesôn kriola tem agendadu ôtu amistôsu ku silesôn di Purtugal. E antis di nôs ikipa viaja pa Egipto ê tem programadu mas um amistôsu kontra ikipa di Belenenses.
Silesionador nasiunal Jorge Rito sa ta trabadja ku 20 pré-konvokadu di nundi ta skodjedu 17 djugadôr pa operasôn Egipto 2024.