Silesôn Kabu-verdiana di Futiból Sénior Maskulinu txiga Costa di Marfim ess palpanhãn pa partsipa na 34ª idisôn di Copa d’ Áfrika das Nações – CAN 2024.
Nôs ikipa ta streia na prova dumingu li e nôs pruméru adversáriu, na fazi di grupos, ê Gana, konshedu pa Black Stars.
Tubarões Azuis ta volta entra kampu dia 19 kontra Moçambique e ê ta fitxa fazi di grupu dia 22 kontra Egipto.
Keli sta bem ser 4ª partsipasôn di nos silesôn na Kampiunatu Afrikanu di Nações.
Além di relvadus
Chefi di kuzinha kabu-verdianu Lamine Medina ê kenha ki sta bai orienta menu di kumida di rapazis di Tubarões Azuis duranti ses partsipasôn na CAN.
Keli ê pruméru bez ki silesôn sta bai partsipa num kumpitisõn internasiunal ku si própi chefi di kuzinha.
Pa chefi, Lamine Medina, keli ta mostra konfiansa na si trabadju e um sinal di ruspêtu pa kel ki tem sidu fetu na país pa chefis di kuzinha.
Na Costa di Marfim, Lamine stá bai orienta tudu refeisôn di nôs ikipa e ê ta konta ku apoiu di staff di kuzinha di hotel nundi Tubarões Azuis sta hospedadu.