Silesôn di Kabu Vêrdi Sénior Maskulinu gánha si djogu di stréia na 26ª idisôn di Kampiunatu Afrikanu di Nações – CAN 2024, ki stá kuntisi na Egipto.
Djogu di ónti foi kontra Ruanda e nôs ikipa gánha pa 52 – 27. Midjor djugadôr di partida foi kabu-verdianu Bruno Landim, ki marka 5 gôlu, fazi 4 assistênsia ku 71% di aproveitamentu.
Nôs ikipa, ki atualmenti ê vice-kampiôn di Áfrika, ta volta entra kampu manhãn kontra Zâmbia, ki na si 1º djogu pêrdi ku Repúblika Democrátika di Congo pa 40 – 21.
Tresêru e últimu djogu di fazi di grupu, di Kabu Vêrdi ê kontra Repúblika Democrátika di Congo e ê ta kuntisi dumingu li.
Di akordu ku regulamentu di Konfederasôn Afrikana di Andebol kês dôs ikipa midjor klassifikadu di kada grupu ta avansa pa próximu fazi.