Di akordu ku surteiu di disfili ofisial di karnaval 2024 na Són Visênti, pruméru grupu ki ta disfila ê Estrela do Mar, pa 7 óra nôti.
Kês ôtu grupu ta bem ta sai di 30 em 30 minutu e ordem é siguinti: Flores do Mindelo, Monte Sossego e finalmênti Cruzeiros do Norte.
Pruméru grupu stá disfila ku tema “Estrela do mar, je t’aime”, di carnavalesco Emanuel Ribeiro, e ses prinsipal distaki ê rainha d’ bateria Mila Diogo, mestri-sala Ske Évora e porta bandêra Mirna Chantre.
Flores do Mindelo, ta entra ku tema “O baralho – os jogos são só do baralho? Vamos jogar com alegria e fair-play”, um proposta di Nelson Monteiro e ilustradu na três karru alegóriku e figuras di destaki ê rainha di bateria Leidy Silveira, porta-bandeira Ineida Fortes e mestri-sala Rivan Fortes.
Atual detentôr di títulu, Monte Sossego ta disfila ku tema “Genetica.cv” di karnavalesku João Brito e Valdir Brito disfiladu 1500 foliôn e 140 ritmista.
Cruzeiros do Norte ê últimu ki ta sai ku tema “dona matemática governa o mundo e rebola no carnaval”, di Fernando Morais diskritu pa três karru alegóriku.