Pruméru grupu ki ta disfila oji na karnaval di mindelo ê Estrela do Mar pa 7 óra nôti.
kês ôtu grupu ta bem ta sai di 30 em 30 minutu e ordem é siguinti: Flores do Mindelo, Monte Sossego e finalmênti Cruzeiros do Norte.
Ku tema Estrela do Mar, je t’aime, di carnavalesco Emanuel Ribeiro, kes prinsipal distaki di Estrela do Mar ê rainha d’ bateria Mila Diogo, mestri-sala Ske Éora e porta bandêra Mirna Chantre.
Flores do Mindelo, ta entra ku tema “O baralho – os jogos são só do baralho? vamos jogar com alegria e fair-play”, um proposta di Nelson Monteiro e ilustradu na três karru alegóriku e figuras di destaki ê rainha di bateria Leidy Silveira, porta-bandeira Ineida Fortes e mestri-sala Rivan Fortes.
Atual detentor di título, Monte Sossego ta disfila ku tema Genetica.cv, di karnavalesku João Brito e Valdir Brito disfiladu pa 1500 foliôn e 140 ritmista.
Cruzeiros do Norte ê últimu ki ta sai ku tema “Dona Matemática governa o mundo e rebola no carnaval”, di Fernando Morais diskritu pa três karru alegóriku.