Ku diferença di 8 désimus na pontuasôn, em relação a sugundu lugar Monte Sossego foi grandi vensidôr di Carnaval 2024 na Són Visênti. Na sugundu lugar fika Cruzeiros do Norte ku 268 pontu.
Estrela do Mar konkista 3º lugar e na quartu lugar fika Flores do Mundelo. Na intendêr di Júri, duranti disfili oficial, nenhum grupu teve penalizasôn.
Ess anu premius individual markadu pa algo inédito: Premiu individual foi repartidu. Um di kes foi Rainha di Bateria, nundi tudu 4 rainha di bateria ganha. Rainhas ka konkorda e esh dexa premiu riba palku. Ês flá ma ês sta spera um midjor disison e splikason sobre kriterios di desempati. Tambê Midjor Musika bai pa dôs grupu: Cruzeiros do Norte e Monte Sossego.
Prémiu individual:
- Midjôr Bateria: Cruzeiros do Norte
- Midjôr Músika: Ness katiguria teve um impati: Cruzeiros do norte ku músika “Dona Matemática governa tudo” kompostu pa Edson Oliveira e Monte Sossego ku músika Genetica.cv kompostu pa Constantino Cardoso
- Midjôr Karru Alegóriku: Monte Sossego
- Mestre Sala: Stiven Évora di Estrela do Mar. Keli ê sugundu anu konsekutivu kel sta leba prémiu. Anu passado ê lebál ta disfila pa Flores do Mindelo.
- Porta Bandêra: Katia Ferreira di Monte Sossego
- Rainha di Bateria: Ess anu kuntisi algo ineditu: impati entri kes quatu rainha di Bateria, di Estrela do Mar, Flores d Mindelo, Monte Sossego e Cruzeiros do Norte.
- Segunda Dama: Cruzeiros do Norte – Janélia do Rosário
- Prumêra Dama: Monte Sossego – Neuza Matos
- Pruméru Cavaleiro: Monte Sossego – Alan Silva
- Rainha di Carnaval 2024: Monte Sossego – Perly Ramos
- Rei di Carnaval 2024: Cruzeiros do Norte – Daniel Vitória
- Midjor Karnavalesku: Keli foi um prémiu inédito ki bai pa João Brito e si sobrinho Valdir Brito di Monte Sossego ku enredo “Genética.CV – Ma kasta d’ Raça ê Ess?”