Grupu di Carnaval di Palmarejo, Samba Jo konkista pa sugundu anu konsekutivu troféu di vensidôr di Carnaval di Praia.
Samba Jo stevi ta difenti títulu ku 350 foliôn na séti ala, ku enredu “Porton di nós Ilha, abraça bu comunidade sem máscara”.
Na sugundu lugar fika Grupu di Bairro, Vindos d´África, ki sai ku tema “Corda Cabo Verde”, num omenagem a Sportinho, um di kes fundador di grupu. Kês serka di 500 foliôn ta sta divididu na 7 ala.
Na tersêru lugar fika Vindos di Mar, di Txada Grandi, ki lêba pa vinida serka di 350 figuranti kum homenagem a peska ku tema Mitologias do Mar.
Inda disfila Bloco Afro Abel Djassi, ta glorifika Amilcar Cabral ku tema “ Mi é um simples africano”, na âmbitu di sentenáriu di pai di nos nasiunalidadi. E grupu Deusa do Amor Sem Fronteiras aborda desigualdadi sucial ku enredu “Navegando contra as marés da desigualdade”.
Prémiu Individual
Midjor Bateria: Vindos d’África
Midjôr Música: Samba Jó
Midjôr Carro Alegóriku: Samba Jó
Mestri Sala: Denilson Monteiro di Samba Jó
Porta-bandêra: Vindos d’África
Rainha di Bateria: Samba Jó
Rainha di Carnaval: Elisete Gomes di Samba Jó
Rei di Carnaval: Sos Mucci di Vindos do Mar