Kapital di Madera, Funchal, ta resêbi a partir di oji 1º idisôn di Fistival Kultural Raízes E Ritmos.
Ti dia 8 di junhu kêl sidadi ta ser banhadu pa arti, músika, literatura e gastronomia, di Kabu Verdi.
Fistival ta ranka ku inogurasôn di spusisôn ki txôma Entre Ilhas – Narrativas Plásticas E Visuais De Cabo Verde ku obras di 3 artista e ki ta silebra diversidadi kultural di nôs ilhas.
Eventu ê promovidu pa Konsuladu di Kabu Verdi na regiôn autónumu di Madêra e pa Embaixada di Kabu Vêrdi na Purtugal num parseria ku Assosiasôn di Promosôn di Macaronésia.