Djá definidu tudu grupu di arbitragem ki ta komanda djogus di 5º jornada ki ta disputadu êss fim di simana.
Di Grupo A ta djuga: Mindelense – Académica di Praia e Académica Porto Novu – Sal-Rei; na Grupu B ta djuga: Foguetões – Morabeza, Belo Horizonte – Scorpions e na Grupu C tem: Barreirense – Sporting di Praia, Palmeira – Vulcânico.
Grupo A ê lideradu pa Mindelense ku 8 pontu, siguidu pa Akadémica di Praia ku 7, Akadémica di Porto Novo 5 e Sal-Rei tem 1 pontinhu.
Foguetões ta lidêra Grupu B ku 8 pontu, Belo Horizonte e Scorpions stá tudu ku 5 e Morabeza tem três pontu.
Grupo C ê lideradu pa Palmeira e Vulcânico tudu ku sete pontu, Sporting di Praia tem 4 e Bairreirensi tambê tem 4.