Votason popular sta abertu na kategoria Musika Popular d´ Anu, ki ta disididu pa publiku, Artista Rivelason d´ Anu i Artista na Palku.
Votu di publiku ta somadu ku voto di Akademia di CVMA, undi ki publiku tem pesu di 49 porsentu i Akademia CVMA 51 prosentu pa kategoria di Artista na Palku i Rivelason d´ Anu.
Gala ta kontisi na Portu di Praia ku atuason di Beto Dias, Jimmy P ,Neyna, Diogo Piçarra e Nancy Vieira.
Banda Os Tubarões ta resebi prémiu carreira di Kabu Verdi Music Awards (CVMA) 2024, ki ta kontisi dia 1 di junhu.
Prêmiu karrera ê mas altu galrdon entregadu pa prémiu ofisial di músika kabu verdiana ki ta rekonhesi músiku, artistas i ô banda ki kontribui pa engrandesimentu di patrimóniu musikal kabu-verdianu.
Sugundu organizason, CVMA ta rekonhesi importânsia di banda Os Tubarões ki duranti 40 anu ta eleva músika di Kabu Verdi.