12º idison di Liga Stopira na futibol di Sub 19, ta ranka oji, dia 28, na Stádiu Munisipal Txada Santantoni, na praia, ku djogu entri travadores i Bola Pa Frenti, di grupu A.
També ta djuga TMT di Meiu Txada i Varandinha di Grupu B.
Manham, sabadu, dia 29 Grémiu Nhagar ta djuga ku Juda, i Real El Salvador ta fika di fora.
Pa grupu D, Tra Xapeu ta fika frenti a frenti ku EFAG i Fonton ta djuga ku Kriolinhus.
Domingu, na djogu pa grupu C, Sporting ta resebi EFSOD i Palmareju ta kontra ku AJAX.
Liga Stopira 2024 Sub 19 ta konta ku 16 ekipa ku djogu ki ta disputadu na Santiagu Norti i Sul i em omenagi a trenador Flávio Monteiro.
Djogu ta kontisi na kampu Sukupira, Son Pedru, Txada Grandi Frenti, Stádiu da Várzea, Santa Katarina, Santa Kruz i Tarrafal.
Final four ta disputadu na 2 mon, na stádiu da Várzea i na Stadiu Munisipal di Tarrafal di Santiagu i final ta kontisi na Stádiu di Varzea.