Hangar –Sentru di Investigason Artístika, djuntu ku fundason Calouste Gulbenkian, teni kandidatura abertu pa prugrama di residênsia artistika ku tema “Affective Ecologies – Uma residência artística sobre a relevância atual do pensamento de Amílcar Cabral”.
Residênsia artistika di 2 simana, di 1 ti 15 d´otubru des anu, tem obkjetivu di kria un spasu pa artista xplora sis ideia d´Amílcar Cabral, ku foku na regenerason ekológika, sosial i politika. Pa refleti sobri importânsia di pensamentu di Cabral, promovi kriason artistiku ki ta fala di temas importanti stóriku i atual.
Artistas interessadu tem ti dia 18 des mês pa fazi sis kandidatura. Kriteriu di sileson ê tem kualidadi i konsistênsia artístika, trabadju desenvolvidu pa tema di projetu, tem entri 25 i 35 anu, nasionalidadi di Kabu Verdi, Angola, Mosambiki, Guiné Bissau ô Son Tome i Prinsipi ta vivi ou nou na sis país d´origem.
Silesionadu ta dadu un verba d´apoiu pa kriason, apoiu pa produson d´obra, kobertura di dispesa di viagi, alojamentu i alimentason duranti kes 2 simana di residênsia.
Programa residênsia ta ser kumpanhadu pa un ekipa di kurador i artistas i ta tem munti atividadi di kriason i formason, sima: trabadju di stúdiu, workshops, visita museu, sentru d´arti, galeria i atelier d´artista.